لية أبطال كمال الأجسام عندهم عروق رهيبة؟ طبعا كل أبطال كمال الأجسام بيحرصوا أن يكون عندهم عضلات ظاهرة جدا و التقسيمات تكون واضحة علشا...
لية أبطال كمال الأجسام عندهم عروق رهيبة؟
طبعا كل أبطال كمال الأجسام بيحرصوا أن يكون عندهم عضلات ظاهرة جدا و التقسيمات تكون واضحة علشان يتفوقوا علي منافسيهم علي المسرح. و كمان مطلوب تكون العروق ضخمة و ظاهرة جدا حتي تكتمل الصورة اللي بتأهلهم للتفوق علي زمايلهم.
علشان نفهم اية طبيعة العروق دي (الأوردة) مطلوب أننا نعرف أن دي عبارة عن الأوردة أللي بتجمع الدم من العضلات و تدفعها وصولا ألي القلب مرة أخري.
أسباب ظهور هذة الأوردة ممكن تلخيصها في الأسباب التالية:
1- كثرة التمرين و تضخم العضلات في حد ذاتة بيحتاج الي أوردة حجمها كبير حتي يمكنها التعامل مع كمية الدم الضخمة المتدفقة للعضلات و خاصة أثناء التمرين. و دة يفسر تضخم و ظهور العروق أكتر أثناء و بعد التمرين. و لذلك التسخين مهم قبل الصعود علي المسرح أثناء العروض و المسابقات.
2- السبب الثاني هو أخذ المنشطات و الهرمونات و خاصة الكورتيزون الباني للعضلات (Anabolic steroids) و دة لة تأثير مزدوج فهو يضخم العضلات و أيضا يسبب تقليل في سمك الجلد يعني بيخلي الجلد رقيق و بالتالي العروق (الأوردة) تكون ظاهرة بشكل أكثر.
3- السبب الثالث هو التنشيف الصح لأن بيكون عند لاعب كمال الأجسام عروق كبيرة و لكن مختفية بسبب الدهون تحت الجلد و هنا تكون أهمية التنشيف الفعال قبل المسابقات.
4- السبب الرابع هو و هذا التفسير جديد و لم يتطرق لة أحد من قبل و هو سبب طبي بحت حيث أن تضخم العضلات يؤدي الي الضغط علي الأوردة العميقة و لا يجد الدم طريقة للمرور الا من خلال الأوردة السطحية تحت الجلد و التي تستقبل كمية دم أكثر من الطبيعي و هذا يؤدي الي تضخم الأوردة بشكل كبير (عروق رهيبة).
5- السبب الخامس هةو أن التدريب و الحماس (عاش) يؤدي الي أفراز للجسم لمواد منها الأدرينالين و هذة المواد تؤدي بحد ذاتها الي اتساع العروق.
6- الجينات الجيدة عند المخظوظين من لاعبي كمال الأجسام اللي بيكون عندهم عروق ظاهرة.
7- السبب السابع و الأخير هو بعض الحيل اللي بيعملها اللاعب أثناء الأستعراض علي المسرح زي كتم النفس و ضغط النفس (Valsalva) أثناء العرض و أيضا وضع بعض الكريمات الموضعية علي الجلد اللي بتوسع العروق (الأوردة) و تخليها ظاهرة.
التعليقات